روايات عن الحب| طلقني يا أحمد

0

روايات عن الحب| طلقني يا أحمد 

روايات عن الحب| طلقني يا أحمد


روايات عن الحب

اليوم سنستعرض في موقع سمو الامير قصة من قصص حب عربيه ، وهي من احسن قصص الحب ، وهي من تصنف من قصص حب ووجع ، فهذا النوع من قصص حب رومانسية يجعلك تدخل بداخل القصه لانها قصه كالمحادثه ، واذا رأيت ان الروايات عن الحب هذه تعجبك لا تنسي مشاركة هذه ال قصص رومانسية ، هيا لنبدأ فالقصه تحت تصنيف " قصص حب " ...

قصص حب وغرام| طلقني يا أحمد

-دا آخر كلام عندي يا ماما ومش هغيره 
=استهدي بالله يابنتى انتِ كدا بتخربي بيتك بايدك 
-بيتى!! هو فين بيتى دا وبعدين انتِ اللي بتقولى كدا مش هو دا احمد اللي مكنتيش عايزاه وحاولتى تمنعينى عنه قبل كدا 
=ومش هو دا احمد اللي وقفتى قصادنا كلنا عشان خاطره ، جايه دلوقتى بتقولى اطلق !! الناس تقول علينا ايه بعد كتب الكتاب باسبوع اطلقت !! 
-لو سمحتى يا ماما سيبينى لوحدي 
=هسيبك بس راجعي نفسك 
'خرجت ماما وسابتنى لوحدي ، فضلت ابكي كتيير جداً ازاي يعمل معايا كدا ازاي يخوني ، دا احنا حاربنا كل الظروف عشان نكون مع بعض ، بقى يعمل كدا معايا انا عمري مأذيته كنت دايماً سانداه وعمر اللي بينا مخرج بره مكنش حد يعرف حلونا ولا وحشنا لييه كدا!! انا بكرهه وعمري مهسامحه .. فضل يرن عليا كتيير كنسلت عليه وقفلت الموبايل وفضلت ابكي لحد مروحت ف النوم وانا قاعده ع سجادة الصلاه محستش بنفسي غير ورنا اختى بتصحينى ..' 
-رحمه ..رحمه 
=ايه في ايه 
-قومي ايه اللي منيمك كدا 
=سيبينى يارنا بعد اذنك واقفلي الباب وراكِ
-طب قومي بس
=بطلي رخامه بقى وسيبينى 
=احمد بره مستنيكِ 
-قوليله مش عايزه تشوف وشك تانى 
=هوب هوب هوب من امتى دا
-من النهارده ويلا اخرجي انتى كمان
=طب روقي بس وقومي قوليله كدا بنفسك انا مليش دعوه
-ايه ... ايوا اقوم اقوله هخاف يعنى 
'غيرت هدومي ووقفت شويه قدام المرايه ، كنت خايفه اضعف لما اشوفه ومقدرش اقول الكلام اللي عندي اخدت نفس عمييق وحاولت ارتب كلامي عشان ارميه ف وشه مره واحده وادخل ' 
-تقدري تقوليلي قافله موبايلك ليه وبتكنسلي ف وشي كل مكلمك ، وايه الكلام اللي ماما قالتهولي دا 
=طلقنى .. 
-انا ماسك نفسي بالعافيه متخلينيش اكسر البيت على اللي فيه طلاق ايه وزفت ايه ع دماغك انتِ عبيطه !! 
=ايوا عبيطه وزي مسمعت كدا طلقنى ياحمد 
-اللهم طولك ياروح .. طب ممكن تفهمينى ايه اللي حصل ، مهو مش بعد كل اللي عملته دا عشان ابوكِ يوافق عليا تقوليلي طلقنى 
=اللي حصل انك خاين وانى بكرهك ويلا اطلع بره بقى مش عايزه اشوف وشك تانى 
-خاين!!!
=ايوا خاين يا بتاع اسراء 
-اسراء .. اسراء مين يا هبله انتِ 
=متعملش فيها من بنها بس ، اسراء اللي كنت بتكلمهاو بتقولها يا حبيبتى لما كنت عندك ف المكتب 
-هههههههههههه بقى هي الحكايه كدا 
=انت بتضحك !! تمام جداً طلقنى بقى 
-طب ممكن نأجل الطلاق لاخر اليوم بس وبعد كدا اوعدك اني هعملك اللي انتى عايزاه 
=اشمعنا !!
-هتعرفي بس اتفضلي البسي عشان هاخدك ونروح مشوار ع السريع كدا 
=لا مش هروح معاك ف حته ولا هكلمك تانى اصلا
-متكلمنييش حاضر بس البسي وتعالى معايا 
=هنروح فين !
-هتفهمي كل حاجه متستعجليش 
=طب خليك متنيل هنا لحد مرجعلك 
-معاكي لسان عايز قطعه بس اعمل ايه بحبك 
' سبته ودمي محروق مش عارفه جايب البرود دا من فين لا وكمان بيضحك ، كان هاين عليا اقتله بايدي ، فضلت دماغي تروح وتيجي ، وانا مش فاهمه حاجه دا حتى محاولش يبرر موقفه هو دا الحب اللي حبهولى ، لبست هدومي وخرجت معاه ومنطقتش ولا كلمه ، نزل ف نص السكه من العربيه واشترى شوية حاجات ف شنطه وحطهم جنبي وركب ، اول موصلنا لقيته اخدني لمكان زي الجنينه كدا ' 
-امسكِ الشنطه دي لحد مهمل حاجه صغيره وهرجعلك 
'فضلت مستنيه لقيته جاي ومعاه بنوته صغيره تبارك الله ع جمالها ' 
-اهي اسراء يا ستى اللي عايزه تتطلقي عشانها 
=ايييه !! 
-ايوا ، هي دي كنت واعدها انى هعرفها عليكِ بس بعد العقد ولما كلمتها بقولها وانتى كمان وحشانى يا اسراء يا حبيبتى وبس 
'فضلت متنحه كدا مش مستوعبه اللي بيحصل ، كنت ف موقف لا احسد عليه نهائي ، بس كنت طايره من الفرحه انه مطلعش خاين ولا حاجه وان كل دا كان من شيطاني اللي هيودينى ف داهيه ، قضينا اليوم ف الملجأ كان يوم لطيف جدا وبعدها اخدني نتغدى ف مطعم عارف اني بحب اكله جدا ..' 
-مش هتبطلي الجنان اللي انتِ فيه دا 
=وانا هعرف من فين انها صغيره ، وبعدين اصلا المفروض متكلمش بنات غيري 
- لا اله الا الله هتغيري من دي كمان 
=لا مبغرش انا 
-واضح واضح ،وهو انتِ كنتِ فاكره اني هطلقك عادي كدا !! دانا كنت اروح فيكِ وف اهلك السجن 
=ههههههه 
-بتضحكِ حضرتك 
=طب وسع بس خلينى اكل كدا هموت من الجوع 
-هو دا اللي فالحه فيه ، انا بقول يلا بينا ع المأذون 
=اقعد هنا لاعورك 
-متجوز سرسجيه ياربي 
=سرسجيه بس قمرز 
-احم .. طب راعي اننا ف مكان عام والناس حوالينا وانا مش ضامن ممكن اعمل ايه دلوقتى 
=طب سيبنى اركز ف الاكل دلوقتي ونحل مشاكلنا بعدين ..  
=يارب انا عملت ايه عشان اخد واحده هبله كدا 
-هبله بس بحبك 
=ياخرابي قولى تانى كدا ..
-الاكل ياحمد الله

"نقطه ومن اول مشوفتك قلبي هجرني وسكنك ..💙" 

استعرضنا في موقع سمو الامير قصة حب من قسم " قصص حب " وهذه روايات حب من تأليفنا ، فاذا اعجبتك قصة الحب هذه فلتشاركها مع اصدقائك وتابعني اول باول ، واترك لنا جمله تشجعنا لنقوم بتاليف روايات حب كاملة ..
من قسم " قصص حب " ...

لا يوجد تعليقات

أضف تعليق